Dögg Pálsdóttir: Virðingaverð afsökunarbeiðni, hvað svo?

Varaþingmaðurinn og hæstaréttalögmaðurinnm, Dögg Pálsdóttir, segir það virðingavert af nýjum bankastjóra Nýja Landsbankans, Ásmundi Stefánssyni, að hafa beðið þjóðina afsökunar á starfsháttum bankans fyrir hrun.

„Það er út af fyrir sig virðingarvert að nýr bankastjóri Nýja Landsbankans biði afsökunar á mistökum bankans fyrir hrunið," skrifar Dögg á heimasíðu sína en bætir um betur og spyr:

„Hvernig ætlar Nýi Landsbankinn að axla ábyrgð á mistökum fortíðarinnar? Hvernig ætlar bankinn að ná sáttum við umhverfið á ný? Það vantar svar við þeim áleitnu spurningum."

Hún lýkur svo færlsunni á þeim orðum að eftir þeim svörum þurfi að kalla.

Þess má geta að ekki hefur náðst í Ásmund vegna málsins. Þá hefur ekki helduir náðst í Birnu Einarsdóttur, bankastýru Íslandsbanka til þess að spyrja hana hvort hún hyggist feta í fótspor Ásmunds.

Þegar hefur Finnur Sveinbjörnsson, bankastjóri Nýja Kaupþings svarað því að hann hafi ekki velt því fyrir sér hvort hann ætti að biðjast afsökunar á framferði bankans fyrir hrun.