Fjármálaeftirlitið skoðar meint peningaþvætti

Fjármálaeftirlitið rannsakar nú ásakanir um peningaþvætti rússneskra einstaklinga og fyrirtækja, sem fram hafa komið nýlega.

Rússneski auðmaðurinn Boris Berezovsky hefur haldið því fram í sjónvarpsþætti á Sky-stöðinni, að félagar Vladimírs Pútín forseta hefðu keypt Ísland með þetta í huga. Enda væri hér annað regluverk en í Evrópu. Þessu síðastnefnda hafnar íslenska utanríkisráðuneytið.

„Grunur um peningaþvætti er að sjálfsögðu skoðaður í eftirlitinu," segir Gunnar Haraldsson, stjórnarformaður FME. - kóþ