Birgitta segir Ísland tæknilega gjaldþrota

Íslendingar eru tæknilega séð gjaldþrota, sagði Birgitta Jónsdóttir, þingmaður Hreyfingarinnar í umræðum um stefnuræðu forsætisráðherra í kvöld. Hún velti fyrir sér hvort rétt væri að íslensk stjórnvöld færu í skuldastöðvun. Ef til vill væri betra að taka skellinn strax og gefast upp. Ef haldið yrði áfram á þeirri leið sem ríkisstjórnin hefur verið myndi vaxtabyrðin sliga þjóðina.

Hún sagði að Alþjóðagjaldeyrissjóðurinn og Evrópusambandið hefði verið Íslendingum fjandsamleg í Icesave málinu.

Þá minnti Birgitta á að þjóðstjórn og utanríkisstjórn hefði verði mönnum hugleikin undanfarna daga. Slíkt hefði ekki gefist vel í sögu þjóðarinnar en ef til vill hefði bankahrunið breytt einhverju þannig að allir kjörnir fulltrúar þjóðarinnar þyrftu að deila ábyrgðinni. Utanþingsstjón skipuð af forsetanum hugnast Birgittu ekki.