Ríkur stuðningur við Steingrím á átakafundi

Magnús Már Guðmundsson skrifar 12. ágúst 2009 11:15

Árni Þór segir ríkan stuðning hafa komið fram við formann VG á fundinum í gær. Lögð var áhersla á samstöðu innan flokksins í Icesave-málinu. Mynd/Pjétur

Árni Þór Sigurðsson, þingmaður Vinstri grænna, segir ríkan stuðning hafa komið fram við Steingrím J. Sigfússon, formann flokksins, á átakafundi kjördæmisráðs flokksins í Suðvesturkjördæmi í gærkvöld.

Líkt og kom fram á Vísi í gærkvöld var fundurinn vel sóttur og var stór hluti þingflokks Vinstri grænna á fundinum. Aðalmál fundarins var frumvarp ríkisstjórnarinnar um ríkisábyrgð vegna Icesave-reikninga Landsbankans og sátu Guðfríður Lilja Grétarsdóttir og Ögmundur Jónasson, þingmenn kjördæmisins, fyrir svörum.

Gestur Svavarsson, fundarstjóri, sagði í samtali við fréttastofu í gærkvöld að sjá hafi mátt allt Icesave-skoðanalitrófið meðal gesta fundarins og að málið hafi verið rætt fram og til baka. Margir hafi talið samningstregðu Ögmundar og Guðfríðar óábyrga en aðrir lýst stuðningi við fyrirvara við samninginn.

Árni Þór segir að fundurinn hafi verið góður og að margir hafi tekið til máls. Skoðanir hafi vissulega verið skiptar. „En meginlínan var sú að lögð var rík áhersla á samstöðu innan flokksins og áframhaldandi stjórnarsamstarf.“

Tengdar fréttir

Óhugsandi að Samfylkingin slíti ríkisstjórnarsamstarfinu

Sigmundur Davíð Gunnlaugsson, formaður Framsóknarflokksins, segist alls ekki vera þeirrar skoðunar að ríkisstjórnarsamstarf Samfylkingarinnar og VG standi og falli með Icesave málinu.

11. ágúst 2009 13:17

Þokast í átt til sáttar innan stjórnarliðsins

Ögmundur Jónasson heilbrigðisráðherra hefur góða von um að viðunandi lausn finnist á Icesave-málinu og að það hljóti samþykki. „Ég er vongóður um að við náum sameiginlegri lausn ef menn sýna allir góðan samstarfsvilja,“ sagði hann í samtali við Fréttablaðið í gærkvöldi. Kvaðst hann hafa af því spurnir að innan fjárlaganefndar væru menn á réttri leið, að hans mati.

12. ágúst 2009 06:00

Fleiri en hundrað á félagsfundi VG í Kraganum

Yfir hundrað manns eru mættir á félagsfund Vinstri grænna í Kraganum í félagsheimili VG að Hamraborg 1-3. Meðal þeirra sem sitja fundinn eru Guðfríður Lilja Grétarsdóttir og Ögmundur Jónasson, þingmenn flokksins, sem svara spurningum félaga eftir bestu getu.

11. ágúst 2009 22:11

Líf ríkisstjórnarinnar í höndum Ögmundar

Haldi Ögmundur Jónasson heilbrigðisráðherra fast við andstöðu sína við Icesave-málið er ríkisstjórnarsamstarfi VG og Samfylkingarinnar úr sögunni. Um það eru þingmenn í báðum flokkum sammála.

11. ágúst 2009 06:00

Fundur VG: Félagshyggjustjórnin megi ekki stranda á Icesave

Það var þétt setinn bekkurinn á félagsfundi Vinstri grænna í Kraganum, en aðstandendur fundarins telja að yfir hundrað manns hafi setið fundinn. Meðal gesta var stór hluti þingflokks Vinstri grænna og jafnvel flokksmeðlimir úr öðrum kjördæmum.

11. ágúst 2009 23:52

Stjórnin stendur og fellur með Icesave

Ríkisstjórnin stendur og fellur með Icesave málinu, samkvæmt heimildum fréttastofu. Allt íslenskt efnahagslíf sé í gíslingu málsins. Ögmundur Jónasson, heilbrigðisráðherra segir svo ekki vera, en væntir lausnar.

11. ágúst 2009 12:04

„Mjög gott samband á milli okkar Steingríms“

Ögmundur Jónasson, heilbrigðisráðherra, segir samband sitt og Steingríms J. Sigfússonar, fjármálaráðherra og formanns Vinstri grænna, vera afar gott. Ögmundur kveðst ekki hafa líf ríkisstjórnarinnar í höndum sér. Hann segist einungis vera einn af 63 fulltrúum þjóðarinnar á Alþingi.

11. ágúst 2009 10:40

Óttast að Ísland einangrist á nýjan leik

Formaður fjárlaganefndar Alþingis segir að reynt verði til þrautar í dag og á morgun að ná samkomulagi um fyrirvara við samþykki Alþingis á ríkisábyrgð vegna Icesave-samningsins. Hann segist óttast að Ísland einangrist verði málinu ekki lokið fljótlega.

11. ágúst 2009 05:30