Atvinnulausir yfir 10.000

Atvinnulausum heldur áfram að fjölga og eru meira en 10.000 einstaklingar án atvinnu samkvæmt vef Vinnumálastofnunar. Þeim hefur fjölgað um rúmlega 400 frá því í lok seinasta mánaðar.

Gissur Pétursson, forstjóri Vinnumálastofnunar, segir að atvinnuleysi sé rúmlega 5%. Í janúar 1995 mældist atvinnuleysi 7,3% en það takmarkaðist við ákveðnar greinar og landssvæði og var komið niður í 3% um sumarið.

11. desember eru 8205 manns skráðir atvinnulausir, en í lok nóvembermánaðar 6350. Vinnumálastofnun spáir vaxandi atvinnuleysi á næstu mánuðum. Gissur segir óspennandi að sjá þennan hóp stækka og það sé ekki verðmætaskapandi að greiða út atvinnuleysisbætur.

,,En Guð láti gott á vita. Ég hef aldrei heyrt um svo mikla rigningu að það stytti ekki upp að lokum," segir Gissur að lokum.

Tæplega 6300 karlmenn eru atvinnulausir og 3700 konur samkvæmt  Vinnumálastofnun.

Á höfuðborgarsvæðinu eru 6200 skráðir atvinnulausir.