Kemur vel til greina að hafa utanþingsráðherra áfram

Þau Steingrímur J. Sigfússon og Jóhanna Sigurðardóttir segja bæði vel koma til greina að halda áfram með utanþingsráðherra. Þau voru spurð að þessu í formannaspjalli á Ríkisútvarpinu. Þau sögðu bæði ákaflega góða reynslu af því að fá þau Gylfa Magnússon viðskiptaráðherra og Rögnu Árnadóttur til liðs við ríkisstjórnina þrátt fyrir að þau sitji ekki á þingi.

Steingrímur sagði þau Gylfa og Rögnu hafa reynst ákaflega vel og að vel komi til greina að skoða það fyrirkomulag áfram. Jóhanna tók í sama streng.