Vogunarsjóður tekur skortstöðu gegn Bretlandi

Hugh Hendry forstjóri vogunnarsjóðsins Ecletica Asset Management ætlar að taka skortstöðu gegn Bretlandi. Hendry ætlar að veðja á að það verði verðhjöðnun í Bretlandi, sem er andstæða verðbólgu, næstu 12 mánuði.

Aðferðin sem Hendry notar við þessa skortstöðu er að kaupa ríkisskuldabréf frá tímum fyrri heimstryjaldarinnar. Slík bréf ganga enn kaupum og sölum nú 90 árum eftir að stríðunu lauk. Þau er ekki með ákveðinn gjalddaga og bera 3,5% fasta vexti.

Sem stendur er verðbólgan í Bretlandi 4,5% en Hendry ætlar að veðja á að hún fari undir núllið innan 12 mánaða að því er segir á Bloomberg-fréttaveitunni. Sjóðurinn sem Hendry veitir forstöðu hagnaðist um 38% á fjármálagerningum sínum frá áramótum og er því í hópi þeirra vogunnarsjóða sem mest hafa hagnast í ár.

Skuldabréfin sem Hendry ætlar að fjárfesta í bera gælunafnið "Jolly Long Bond". Þau voru gefin út af bresku stjórninni árið 1917, svona um það bil sem Bretar beittu skriðdrekum í fyrsta sinn í orrustunni um Cambrai.

Upphaflega voru þau með 5% vöxtum sem Lloyd George þáverandi forsætisráðherra landsins kallaði glæpsamlega. Þeim var breytt í 3,5% árið 1932 og hafa haldið þeim vöxtum síðan.

Ólíklegt er talið að breska stjórnin kalli þessi bréf inn eða gjaldfelli þau þar sem þá þyrfti stjórnin að greiða þau upp á pari. Sem stendur ganga þau á um 78 pens fyrir pundið.