Bretar leita stuðnings Úkraínumanna gegn Rússum

Utanríkisráðherra Bretlands, David Miliband er nú í Úkraínu vegna viðræðna um að mynda bandalag gegn yfirgangi Rússa. Á hann fund með forseta landsins, Victor Yushchenko og utanríkisráðherra landsins Volodymyr Ohryzko.

Rússland viðurkenndur sjálfstæði aðskilnaðarhéraðanna Suður-Ossetíu og Abkhazíu í gær en sú viðurkenning hefur verið fordæmd af leiðtogum ýmissa vestrænna leiðtoga. Til að mynda hefur Frakkland sem hefur forsætið í Evrópusambandinu um þessar mundir kallað eftir pólitískri lausn.

Ótti er um að Rússar muni í kjölfarið á stríðinu í Georgíu einbeita sér að öðrum fyrrum Sóvétríkjum, eins og Úkraínu. Bæði Úkraína og Georgía hafa lýst yfir vilja að ganga í Nató en þó eru meira en tveir þriðju íbúa Úkraínu annaðhvort á móti slíkri inngöngu eða óviss um hana. Vinsældir Yushchenko eru heldur ekki miklar um þessar mundir þannig að efasemdir eru um að Úkraína reynist mikill stuðningur gegn Rússum.