Slapp við 900 milljóna króna tap með sölutryggingu

Baldur Guðnason, fyrrverandi forstjóri Eimskips, seldi félaginu bréf fyrir rúma 2.5 milljarða í dag. Í tilkynningu til Kauphallarinnar frá Eimskip segir að greiðslan sé hluti af lokauppgjöri vegna starfsloka Baldurs hjá félaginu.

Baldur keypti bréf í félaginu þann 27. apríl á síðasta ári og voru kaupin sölutryggð á genginu 37,76. Baldur getur hrósað happi yfirsölutryggingunni þar sem gengi bréfa í Eimskip var 24,7 við lok markaða í dag. Þannig slapp Baldur við tæplega 900 milljóna króna rýrnun sem orðið hefur á verðmæti hlutarins á þessu tæpa ári sem liðið er frá kaupum.