Fitch staðfestir lánshæfismat á Straumi-Burðarás

Fitch Ratings staðfesti í dag lánshæfiseinkunn Straums-Burðaráss fjárfestingabanka hf. Lánshæfismat á langtímaeinkunn og almenn lánum er BBB- og eru langtímahorfur stöðugar.

Í tilkynningu frá Fitch segir að einkunnin endurspegli þá skoðun matsfyrirtækisins að þrátt fyrir áframhaldandi umrót á skuldabréfamarkaði og neikvæð viðhorf markaðsaðila gagnvart íslenskum aðilum geri lausafjárstaða Straums og viðráðanleg endurfjármögnunarþörf bankans að verkum að hann sé síður viðkvæmur en ella fyrir neikvæðri umræðu.