Búast við 50 punkta stýrivaxtalækkun

Greiningadeild Kaupþings býst við 50 punkta stýrivaxtalækkun. „Vextirnir eru mjög háir. Þeir eru 13,75% og við álítum að það sé mjög áhættusamt að halda þeim mjög háum með því markmiði að lækka þá mjög hratt síðar," sagði Ásgeir Jónsson, forstöðumaður Greiningadeildar Kaupþings,  í samtali við Sindra Sindarson við lokun markaða.

Ásgeir segir að hins vegar megi gera ráð fyrir að krónan fari að veikjast á þessum helmingi ársins, en hún sé þegar komin í sögulegt lágmark gagnvart evru. Þá sagði Ásgeir að búast mætti við 5% samdrætti í einkaneyslu á næstu tveimur árum, sem sé mjög mikið þegar litið sé til þess hversu stórt hlutfall einkaneyslan sé í landsframleiðslunni.