Stonehenge var lækningamiðstöð

Jafnframt leiddi rannsókn fornleifafræðinganna til þeirrar niðurstöðu að hinir risavöxnu steinar hafi verið fluttir úr Presili hæðunum í Wales. Það er 240 kílómetra vegalengd og hefur verið mikið afrek á sínum tíma.

Fornleifafræðingarnir telja að Stonehenge hafi verið lækningastaður, kannski sambærilegur við Lourdes í Frakklandi. Í gröfum sem fundist hafa á svæðinu hefur verið óeðlilega hátt hlutfall af fólki sem lést úr alvarlegum sjúkdómum.

Tennur sem fundist hafa í gröfunum hafa leitt í ljós að um helmingur hinna látnu hafi ekki verið úr sveitinni í kringum Stonhenge. Það bendir ótvírætt til þess að fólk hafi komið þangað langa vegu að til þess að leita sér lækninga.

Þetta er í fyrsta skipti í 44 ár sem leyft hefur verið að grafa inni í steinhringnum. Fjórtán jarðvegssýni voru send til Oxford háskóla til aldursgreiningar.