SPRON greiðir 85,5 prósent til sjóðsfélaga

Útgreiðsluhlutfall til sjóðasfélaga úr Peningamarkaðssjóði SPRON er 85,52 prósent.

Í tilkynningu sem SPRON sendi frá sér síðdegis í gær kemur fram að greitt verði út 17. þessa mánaðar og þá í hlutfalli við eign sjóðsfélaga 3. október síðastliðinn.

„Útborgun úr sjóðnum verður lögð inn á innlánsreikning sem stofnaður hefur verið á nafni sjóðsfélaga,“ segir í tilkynningu SPRON.

Bankinn segist harma eignarýrnun sjóðsfélaga og óþægindi sem þeira hafi orðið fyrir um leið og sjóðsfélögum er þökkuð þolinmæðin sem þeir hafi sýnt starfsfólki SPRON undanfarnar vikur.