SÍ á gjaldeyrisforða og lánalínur upp á 4,5 milljarða evra

Með gjaldeyrisskiptasamningum þeim sem Seðlabanki Íslands hefur nú gert við seðlabanka á Norðurlöndunum á bankinn nú gjaldeyrisforða og lánalínur upp á 4,5 milljarða evra.

Í umræðunni að undanförnu hefur verið rætt um að til að vel ætti að vera þyrfti Seðlabankinn að eins gjaldeyrisforða og lánalínur upp á 6-8 milljarða evra eða í kringum 1.000 milljarða kr. Með samningunum við seðlabankana á Norðurlöndunum má segja að bankinn sé kominn ríflega hálfa leið að þessu marki.

Ingólfur Bender, forstöðumaður greiningar Glitnis, segir að gjaldeyrisskiptasamningarnir við Norðurlöndin séu jákvætt spor í rétt átt en meira þurfi til svo vel eigi að vera. „En það er gott að sjá að Seðlabankinn á vini erlendis sem eru tilbúnir til að standa við bakið á bankanum ef illa fer," segir Ingólfur.

Ingólfur telur að þetta síðasta útspil Seðlabankans muni hafa jákvæð áhrif á markaðinn. Raunar hefur gengið þegar styrkst um rúm fjögur prósent í morgun.

Þá telur Ingólfur að skuldatryggingarálag bankana muni lækka í dag af þessum sökum. Raunar hafi álagið á ríkissjóð þegar lækkað um 45 punkta og á bankana um 10-20 punkta.