Hræddir Norðmenn tóku út 3,7 milljarða hjá Kaupþingi

Norskir viðskiptavinir Kaupþings tóku út 3,7 milljarða íslenskra króna af sparifé sínu á reikningum hjá Kaupþingi í Noregi fyrstu þrjár vikurnar í apríl. Þetta kemur fram á vef norska viðskiptablaðsins Dagens Næringsliv.

Því skal haldið til haga að innlán Kaupþings í Noregi jukust um 23,4 milljarða fyrstu þrjá mánuði þess árs en óróleiki á mörkuðum og sögusangir um veika stöðu íslenskra banka höfðu þær afleiðingar að norskir viðskiptavinir bankans fóru á taugum og tóku út sparifé sitt.

Hreiðar Már Sigurðsson, forstjóri Kaupþings, segir í greininni að starfsemi bankans í Noregi sé veikasti hlekkurinn í keðju Kaupþings.