Þrír sirkusfílar leika forfeður sína

Þrír sirkusfílar hafa verið fengnir að láni til að leika sína eigin forfeður, loðfílana, í Kalundborg í Danmörku.

Þar stendur yfir kynning á lífrænum matvælum og hluti kynningarinnar felst í því að endurskapa þær aðstæður sem ríktu fyrir þúsundum ára. Munu fílarnir því fá að rölta nánast eftirlitslausir um skóglendið í kringum Kalundborg þar sem þeir verða hluti af sýningu dönsku umhverfisstofnunarinnar og Kaupmannahafnarháskóla sem beinist að líffræðilegum fjölbreytileika og náttúrulegum matvælum.