Baugur frestar flutningihöfuðstöðvanna

„Við ætluðum að flytja um páskana en urðum að fresta því,“ segir Stefán Hilmarsson fjármálastjóri og staðgengill forstjóra Baugs Group.

Félagið hefur nú frestað fram á haust fyrirhuguðum flutningi höfuðstöðva félagsins úr Túngötu í Borgartún í Reykjavík þar sem þróunarfélagið Þyrping reisir stórhýsi.

„Framkvæmdir hafa gengið mun hægar en við áttum von á,“ segir Stefán, en áréttar að félagið sé áfram með leigusamning um húsnæðið í Borgartúni. „Við erum nú að velta fyrir okkur að flytja með haustinu að öllu óbreyttu.“.