Endurskoðendur hættu í undanfara skráningar Avion Group

Endurskoðunarfyrirtækið KPMG sagði upp samningi sínum við breska ferðaheildsalann XL eftir að forráðamenn þess hundsuðu ábendingar þess efnis að verið væri að fegra reikninga þess í undanfara skráningu móðurfélagsins Avion Group í Kauphöll Íslands í byrjun árs 2006. Breska blaðið The Sunday Times hefur bréf þess efnis undir höndum.

Avion Group, sem var að stærstum hluta í eigu Magnúsar Þorsteinssonar, keypti XL í ágúst 2005. Málið snýst um að KPMG gat ekki sætt sig við að forráðamenn XL seinkuðu greiðslu til Alpha Airports upp á 7,5 milljónir punda eða 1,2 milljarða þannig bókhald XL leit betur út þegar Avion Group tilkynnti að það yrði skráð á markað. Fljótlega eftir þetta neitaði Price Waterhouse Coopers, endurskoðandi Alpha Airports, að skrifa undir ársreikning þess félags vegna þessa gjörnings.