Þróunarfélagið hagnaðist um rúmar 130 milljónir

Hagnaður Þróunarfélags Keflavíkuflugvallar í fyrra nam 131 milljón króna samkvæmt ársreikningi sem lagður var fram á aðalfundi félagsins í fyrradag.

Þar kemur einnig fram að heildareignir félagsins hafi verið 314 milljónir króna en skuldir nema um 250 milljónum króna. Eigið fé félagsins nam því 62 milljónum króna í árslok.

Þróunarfélagi Keflavíkurflugvallar er ætlað að umbreyta fyrrverandi varnarstöðinni í Keflavíkurflugvelli í vísindasamfélag. Í dag búa um 1200 manns á svæðinu og um 300 einstaklingar hafa annaðhvort hafið eða hefja störf á næstu mánuðum. Alls munu því um 1400 manns starfa og búa á svæði þróunarfélagsins innan skamms og þar eru starfrækt hátt á fjórða tug fyrirtækja.