Viðskipti innlent

Glitnir segir upp starfsfólki

Lárus Welding, forstjóri Glitnis.
Lárus Welding, forstjóri Glitnis.
Fjórum starfsmönnum af sjö í svokallaðri „atburðadeild" Glitnis banka hefur verið sagt upp störfum, samkvæmt heimildum Vísis. Atburðadeildin hefur, eins og heitið gefur til kynna, umsjón með ýmsum viðburðum sem ætlaðir eru til að kynna bankann fyrir starfsfólki og viðskiptavinum.

Í hádegisviðtalinu á Stöð 2 í dag ítrekaði Þorsteinn Mar Baldvinsson, stjórnarformaður bankans, að stjórnendur bankans myndu fara í miklar aðhaldsaðgerðir á næstunni. Skorið yrði niður þar sem því yrði við komið. Stjórnendur bankans hafa gengið á undan með góðu fordæmi með því að stórlækka laun sín, eins og greint var frá í Markaðnum í gær.

Már Másson, forstöðumaður kynningamála hjá Glitni, vildi ekki tjá sig um uppsagnir starfsfólks við Vísi nú undir kvöld.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið