Hagar kaupa verslanir BT

Hagar keyptu í dag allar eignir BT verslananna. Þetta hefur fréttastofa Ríkisútvarpsins eftir skiptastjóra þrotabús verslananna.

Verslanir BT voru í eigu Árdagurs sem fór fram á gjaldþrotaskipti 12. nóvember. Eins og fram hefur komið í fréttum hefur félagið átt í erfiðleikum eftir að raftækjaverslanakeðjan Merlin í Danmörku, sem var í eigu Árdegis, fór fram á greiðslustöðvun. Félagið Eldbodan tók yfir verslanir Merlin í framhaldinu.

Um fimmtíu manns störfuðu hjá BT en starfsfólk fékk ekki laun um síðustu mánaðamót. Fyrirtækið rak sjö verslanir á landinu en þeim var lokað á 31. október.

Rúv hefur eftir Finni Árnasyni, forstjóra Haga að einhverjar verslanir BT verði opnaðar aftur en ekki allar. Hagar skuldbinda sig til að taka yfir rúmlega 40 starfsmenn BT.