Þakkar guði fyrir að börn sín séu á lífi í kjölfar gassprengingar

Faðir tveggja barna sem brenndust illa í gassprengingu í fyrrakvöld þakkar guði fyrir að börnin sín séu á lífi. Fjórtán ára dóttir hans er á batavegi en fimmtán ára sonur hans er enn á gjörgæslu. Börnin eru óþekkjanleg vegna brunasára.

Gassprengingin í fyrrakvöld var gríðarlega öflug. Framhlutinn á skúrnum þar sem sprengingin var rifnaði hreinlega af. Börnin sem þar voru í leyfisleysi brenndust illa.

Sá sem brenndist hvað mest liggur enn á gjörgæslu og var um tíma í lífshættu en yngri systir hans var einnig á staðnum og brenndist illla. Faðir þeirra segist ekki hafa þekkt dóttur sína þegar hann sá hana fyrst eftir slysið.