Steypustöðin mest veitir ráðgjöf vegna viðgerða eftir skjálfta

Steypustöðin Mest hefur gert samstarfssamning við verktakafyrirtækið Múrbrot sem annast viðgerðir á öllum opinberum byggingum í Árborg sem skemmdust út af skjálftanum á Suðurlandi í júní.

Í tilkynningu frá steypustöðinni segir að verkefnið sé viðamikið enda skemmdirnar miklar og mun steypustöðin aðstoða og veita tæknilega ráðgjöf í vali á múr og epoxyefni til verktakafyrirtækisins Múrbrots.

Steypustöðin Mest varð til á dögunum þegar félagið MEST var tekið til gjaldþrotaskipta en það hafði rekið steypistöð og byggingavöruverslanir. Glitnir tók í framhaldinu yfir steypustöðina ásamt helluframleiðslu og verslun með múrvörur og til varð Steypustöðin Mest.