Pavel lék í sigri Huelva

Pavel Ermolinskij er allur að koma til eftir að hafa átt erfitt uppdráttar á tímabilinu á Spáni vegna meiðsla. Hann skoraði tvö stig í sigri Huelva í spænsku B-deildinni í gær.

Huelva vann öruggan sigur á Beirasar Rosalia, 81-66. Pavel lék í rúmer tólf mínútur og skoraði tvö stig er hann nýtti annað tveggja skota sinna í leiknum. Hann tók þar að auki eitt frákast og gaf eina stoðsendingu.

Damon Johnson skoraði níu stig fyrir Alerta Cantabria sem tapaði í gær fyrir Aguas de Valencia í sömu deild, 84-73.

Damon skoraði úr þremur af sex skotum innan þriggja stiga línunnar og úr einu af fjórum utan hennar. Honum tókst ekki að nýta eina vítakastið sitt en hann tók fimm fráköst og gaf eina stoðsendingu. Hann lék í tæpar 29 mínútur í leiknum.

Huelva er í fjórða sæti deildarinnar með átján stig eftir ellefu leiki. Cantabria er í fjórtánda sæti með fjórtán stig.