Vó aðeins 300 grömm

Foreldrar þýsku telpunnar Kimberly eru himinlifandi með það að geta loksins tekið barn sitt með sér heim af sjúkrahúsinu. Kimberly fæddist fyrir hálfu ári - þá 15 vikum fyrir tímann. Hún vó þá aðeins 300 grömm, rétt rúma 1 mörk.

Börnum sem fæðast svo mikið fyrir tímann er vart hugað líf en Kimberly litla hefur hins vegar dafnað vel. Hún vegur nú 2,2 kíló og töldu læknar óhætt að senda hana heim með mömmu og pabba í vikunni. Kimberly verður samt sem áður að koma regluglega til súrefnismeðferðar á sjúkrahúsinu.