Teitur Örlygsson tekur við Njarðvík

Teitur Örlygsson verður næsti þjálfari Njarðvíkinga í körfubolta. Teitur tekur við af Einari Árna Jóhannssyni sem hafði verið með liðið síðustu þrjú ár. Teitur skrifar undir tveggja ára samning við Njarðvíkinga á næstu dögum og sagðist í samtali við Víkurfréttir vera mjög spenntur fyrir verkefninu.

"Þetta er mitt félag og það eru tilfinningar í þessu. Ég þekki alla þessa stráka í liðinu og hef fulla trú á þeim. Þegar það kom upp að einar hætti störfum kom ég því til leiðar að ég hefði áhuga á þessu og sem betur fer hafði stjórnin trú á mér," sagði Teitur í samtali við Víkurfréttir í dag.