Tölvuþrjótar brutust inn á vefsvæði Vodafone

Vefsvæði Vodafone hér á landi varð fyrir árás tölvuþrjóta í kvöld. Þeim tókst að komast inn fyrir varnir svæðisins og náðu að skipta út forsíðunni og setja eigin mynd og texta áður en náðist að stöðva "hakkið". Þrjótarnir segjast vera kalla sig Cuban Hackers Team og notuðu árásina til að boða andstöðuna sína gegn stríðinu, án þess að tilgreina það nánar.

Samkvæmt vefsíðunni zone-h.org/, sem fyllgist með þróun öryggismála á netinu fer svona árásum og fórnarlömbum þeirra fjölgandi. Aðferðir þrjótanna eru margvíslegar og geta verið mjög lævíslegar og haft í för með sér hættulegar afleiðingar fyrir grunlausa notendur.

Samkvæmt síðunni eru dæmi um að þrjótarnir hafi jafnvel komið fyrir "gildrum" á þekktum vefsvæðum, eins og MSN. Síðurnar líta þá út fyrir að vera eðlilegar, en tenglar á þeim síðan leitt menn í gildru sem gætu valdið skaða á sama hátt og tölvuveirur.

Fulltrúi í þjónstuveri Vodafone sagði að síða þrjótanna hefði staðið uppi sem forsíða vefsvæðisins í rúman hálftíma rétt eftir miðnætti áður en hún náðist niður.