Bíll og bátur á hvern Grímseying í stað ferjuklúðursins

Reikna má út að hægt hafi verið að kaupa Sómabát og bíl fyrir hvern Grímseying fyrir þær 500 milljónir sem farsinn um hina nýju Grímseyjarferju, mun kosta ríkissjóð á endanum.

Íbúar í Grímsey eru nú rétt tæplega 100 talsins. Eins og kunnugt er af fréttum mun hin nýja Grímseyjarferja kosta ríkissjóð um 500 milljónir fullkláruð. Ef stjórnvöld hefðu í staðinn einfaldlega borgað hverjum eyjaskeggja 5 milljónir kr. hefði viðkomandi auðveldlega getað keypt sér góðan Sómabát og nýjan bíl fyrir þá upphæð.

Að sögn kunnugra er hægt að kaupa Sóma 800 bát í toppstandi fyrir um 3,5 milljónir kr. í dag (án kvóta). Og hægt er að kaupa nýjan Toyota Aygo fyrir um milljón kr. í dag svo dæmi sé tekið.