Rottugangur á KFC/Taco Bell stað í New York

Þær voru hungraðar rotturnar sem hlaupu um gólf KFC/Taco Bell veitingastaðarins í New York snemma í gærmorgun. Sjónvarpsstöð í borginni náði myndum af rottunum þar sem þær klifruðu upp í barnastóla og hlupu milli borða í leit að æti.

Rottur hafa lengi verið til ama í New York borg þar sem byggð er afar þétt. Ekki er þó algengt að sjá svo margar rottur á einum stað og það veitingastað. Heilbrigðisfulltrúar komu þegar á staðinn.

Staðnum hefur verið lokað og fara eigendur hans nú yfir málið með yfirvöldum. Staðurinn stóðst skoðun síðast í desember þó vísbendingar væru um að rottur hefðu verið á ferð þar.