Björgvin Björgvinsson varð í 57. sæti af þeim 60 keppendum sem komu í mark í fyrri umferð í heimsbikarmóti í svigi í Alta Badia á Ítalíu í dag.
Björgvin kom í mark á 51,24 sekúndum og var 3,77 sekúndum á eftir efsta manni, Frakkanum Jean-Baptiste Grange.
30 efstu keppendurnir fengu að taka þátt í síðari umferðinni en Björgvin var 1,69 sekúndum frá þeim sem lenti í 30. sæti. Björgvin var með rásnúmer 66 af alls 75 keppendum.
Grange hélt forystunni eftir í síðari ferðinni og var rúmri hálfri sekúndu á undan næsta manni, Felix Neureuther frá Þýskalandi. Bandaríkjamaðurinn Ted Ligety var þriðji en hann var tæplega einni og hálfri sekúndu á eftir Grange.
Besti árangur Norðurlandabúa í dag var sjötta sætið hjá Finnanum Kalle Palander.
Björgvin í 57. sæti
