Logi með sex stig í sigurleik

Logi Gunnarsson skoraði sex stig er lið hans, Farho Gijon, vann í kvöld öruggan sigur í spænsku C-deildinni í körfubolta.

Gijon vann lið Caceres á útivelli, 85-69. Logi lék í einungis níu mínútur en nýtti öll þrjú skotin sín í teignum en tók eitt þriggja stiga skot.

Gijon er í efsta sæti deildarinnar eftir tíu sigurleiki og tvö töp. Illescas hefur einnig unnið tíu leiki en á einn leik til góða.

Í B-deildinni í spænska körfuboltanum tapaði lið Huelva naumlega fyrir Laguna Canarias, 86-83. Pavel Ermolinskij kom lítið við sögu og spilaði í aðeins eina mínútu. Hann náði ekki að koma sér á blað á þeim tíma.