Engin ný tilfelli af e.coli

Engin ný tilfelli af E.coli bakteríusýkingu hafa komið upp en fimm hafa greinst með sýkinguna. Bakterían er mjög skæð og afar sjaldgæft er að hún greinist hér á landi.

Faraldsfræðileg rannsókn stendur enn yfir og ekki er hægt að segja til um hvað olli sýkingunni. einstaklingarnir sem greindust með hana eru ótengdir og koma víðs vegar að af landinu.

Tölvupóstur hefur gengið manna á milli þar sem því er haldið fram að sýkinguna megi rekja til salats í pokum. Haraldur Briem sóttvarnarlæknir segir ekkert hæft í því sem haldið er fram í tölvupóstinum og segir bakteríuna alveg eins hafa getað smitast af illa soðnu nautakjöti, ógerilssneiddum mjólkurvörum eða öðru hrámeti eins og grænemti og ávöxtum. Allt útlit sé fyrir að lítil sending hafi verið menguð af bakteríunni og sé hún nú úr umferð.