Bláa lónið hlýtur umhverfisverðlaun

Bláa lónið hlaut á dögunum Bláfánann, virta umhverfis­viðurkenningu sem veit er baðströndum og smábátahöfnum. Þetta er í fimmta sinn sem Bláa lónið hlýtur verðlaunin.

Í tilkynningu frá Bláa lóninu er haft eftir Rannveigu Thoroddsen, verkefnastjóra Bláfánans á Íslandi, að sérstaklega ánægjulegt hafi verið að veita Bláa lóninu viðurkenninguna í fimmta sinn. „Í dag eru Bláfánahafnir og strendur í 36 löndum í Evrópu, Suður-Afríku, Marokkó, Nýja Sjálandi, Kanada og á karabísku eyjunum,“ sagði hún.

Þá er haft eftir Önnu G. Sverris­dóttur, framkvæmdastjóra innlendrar starfsemi Bláa lónsins, að mikil uppbygging eigi sér nú stað við Bláa lónið. Bláfáninn sé félaginu mikilvæg viðurkenning og hvatning.