Ayman Al-Zawahri, næstráðandi hjá al-Kaída hryðjuverkasamtökunum, varar við árásum á þau ríki við Persaflóann sem styðji Bandaríkjamenn. Þetta kemur fram á nýju myndbandi með honum sem birt var í gærkvöldi.
Hann hvetur einnig til árása á Bandaríkin, múslimar skuli herða enn frakar á árásum sínum. Bandaríkjamönnum hafi ítrekað verði boðið að semja um vopnahlé en þeir hafi ekki orðið við því. Það þýði að árásir í framtíðinni verði réttlætanlegar.
Zawahri hótar árásum á Egyptaland, Jórdaníu og Sádí Arabíu auk þess em hann varar við aðgerðum gegn friðargæsluliðinu í Líbanon.
