Tottenham yfir gegn Sheffield United

Leikmenn Tottenham Hotspur eru að eiga nokkuð náðugan dag gegn Sheffield United í viðureign liðanna í ensku úrvalsdeildinni og hafa yfir 2-0 í leikhléi. Dimitar Berbatov skoraði sitt fyrsta mark fyrir Tottenham á 7. mínútu og Jermaine Jenas bætti öðru við aðeins 10 mínútum síðar. Robbie Keane átti stóran þátt í báðum mörkunum og nýliðarnir frá Sheffield virðast fá svör eiga við leik Lundúnaliðsins.

Staðan í leik Watford og West Ham er enn markalaus eftir um 50 mínútna leik. Tottenham gerði tvær breytingar á byrjunarliði sínu fyrir leik kvöldsins. Robbie Keane kom inn í framlínunna í stað Jermain Defoe sem er meiddur og finnski miðjumaðurinn Teemu Tainio leysir Didier Zokora af hólmi.