Khan rotaði Martynov á 75 sekúndum

Vonarstjarna Breta í boxinu, unglingurinn Amir Khan, rotaði andstæðing sinn Vitali Martynov eftir aðeins 75 sekúndur í fimmta bardaga sínum sem atvinnumaður í Nottingham í gærkvöld. Þetta var fyrsti sex lotu bardagi Khan á ferlinum, en hann þurfti ekki nema eina til að ganga frá Hvít-Rússanum.

"Ég held að Amir sé í raun reiðubúinn til að fara að berjast um titla strax, en það er ljóst að hann þarf að fá sterkari andstæðing næst," sagði þjálfari hans eftir bardaga gærkvöldsins.