Tvær milljónir í Mecca

Tvær milljónir múslima streymdu út úr borginni Mecca í dag við upphaf Haj pílagrímsfararinnar undir árvökulum augum lögreglu í Sádi Arabíu sem vonast til þess að koma í veg fyrir hvers konar troðning eða ofbeldi. Ferðin til Mecca er samkvæmt Íslam ein af undirstöðum trúarinnar og hana verða allir sem geta að fara.

Í janúar létust 362 vegna troðnings og var það versta slysið á þessari hátíð undanfarin 16 ár. Hátíðin á sér stað í skugga ofbeldis milli hinna tveggja trúarhópa múslima, súnnía og sjía, sem hafa komið Írak langleiðis í borgarastyrjöld. Pólitísk mótmæli hafa verið algeng undanfarnin ár á hátíðinni þar sem stjórnvöld í Sádi Arabíu eru hliðholl Bandaríkjamönnum.