ÍA skoraði á síðustu mínútu

Guðjón Heiðar Sveinsson var að koma Skagamönnum í 2-1 í viðureign liðsins gegn Breiðablik í Kópavogi. Staðan hjá Keflavík og Fylki er 1-1 en það er enn markalaust í leik Víkings og KR. 45 mínútna seinkunn varð á leik ÍBV og FH í Eyjum og er hann því að hefjast núna.

Guðmann Þórisson kom Blikum yfir eftir 10 mínútna leik en það var Hafþór Ægir Vilhjálmsson sem jafnaði metin áður en Guðjón Heiðar skoraði á 45. mínútu. Forysta ÍA er fyllilega verðskulduð og hefur liðið verið að sundurspila Blika lengst af leiknum.

Ragnar Sigurðsson kom Fylkismönnum yfir í Keflavík en Guðjón Antoníuson jafnaði metin.

Viktor Bjarki Arnarsson misnotaði vítaspyrnu á 4. mínútu í leik Víkings og KR en hvorugt liðið hefur náð að skora í fyrri hálfleik.