Önnur félög hefðu ef til vill rekið Ferguson

David Gill segir ekki ólíklegt að einhver önnur félög en Manchester United hefðu ef til vill látið Sir Alex Ferguson fara eftir vonbrigði framan af leiktíðinni, en bendir á að það að skipta um knattspyrnustjóra sé alls ekki alltaf lausnin.

"Það má vel vera að einhver önnur félög hefðu látið stjórann fara í svipaðri stöðu, en það er ekki alltaf lausnin - sjáið bara Real Madrid í dag. Við vinnum hlutina öðruvísi. Við trúum ekki á það að reka bara knattspyrnustjórann, því það er ekkert víst að hesturinn fari endilega að vinna þó skipt sé um knapa," sagði Gill og bætti við að Ferguson 100% trausts bæði hjá sér og Glazer-feðgunum, eigendum Manchester United.