Vítið var mér að kenna

Portúgalski varnarmaðurinn Ricardo Carvalho hefur viðurkennt að hann hafi gert mistök þegar hann felldi Thierry Henry í leiknum gegn Frökkum í undanúrslitunum á HM á dögunum, en eins og flestir muna var dæmd vítaspyrna í kjölfarið og úr henni skoraði Zinedine Zidane og tryggði Frökkum sigurinn.

Carvalho þráttaði mikið í dómaranum eftir atvikið og vildi meina að dómurinn hefði verið rangur, en í samtali við breska blaðið The Sun hefur hann nú viðurkennt að hafa brotið á Henry.

"Ég kom við Henry, en dómarinn hefði geta beitt hagnaðarreglunni. Við fengum ekkert gefið frá dómaranum í þessum leik og mér finnst ömurlegt að við þyrftum að tapa honum. Mér finnst franska landsliðið alls ekkert betra en lið okkar," sagði Carvalho, súr í bragði.