Fer í fangelsi vegna kveikjara

Sigurður Elísson þarf að sitja tvo daga í fangelsi borgi hann ekki 5.000 króna sekt fyrir að koma með gaskveikjara frá Aserbaídsjan til landsins. Hann hyggst ekki borga sektina.

Sigurður keypti kveikjarann, sem er í byssulíki, í Aserbaídsjan þar sem hann var með fjölskyldu sinni og tók hann með sér í farangrinum heim. Í Keflavík var kveikjarinn gerður upptækur og fékk Sigurður bréf frá sýslumanni nokkrum dögum seinna með þessum afarkostum. „Þetta er eins kveikjari og hægt er að kaupa í hundraðatali í Kolaportinu og tóbaksbúðum. Ég ætla sko ekki að borga,“ segir Sigurður.