Sol Campell segir að Sven-Göran Eriksson hafi lofað sér og Ashley Cole sæti í enska landsliðinu svo framarlega sem þeir nái að festa sig í sessi í byrjunarliði Arsenal áður en leiktíðinni á Englandi lýkur.
"Sven kom á æfingasvæðið og hitti okkur Ashley og sagði okkur að ef við kæmumst í lið Arsenal, fengjum við sæti okkar í enska landsliðinu - svo einfalt er það. Þetta eru góð tíðindi fyrir mig og hjálpa mér að halda einbeitingu það sem eftir lifir tímabils," sagði Campbell, sem hefur lítið spilað með Arsenal í vetur vegna þrálátra meiðsla líkt og félagi hans Ashley Cole en þeir eru báðir sagðir vera hársbreidd frá því að snúa aftur.
