Semur við Adidas

Knattspyrnusamband Trinidad & Tobago skrifaði nýlega undir fjögurra ára samning við íþróttavörurisann Adidas um að hann yrði aðalstyrktaraðili landsliðsins næstu fjögur árin. Ljóst er að þáttökuréttur liðsins á HM færði því þennan stóra samning við Adidas og það hefur væntanlega ekki skemmt fyrir að hafa dregist í sama riðil og England.

Í gær var keppnistreyjan sem landslið Trinidad & Tobago mun spila í á HM í sumar afhjúpuð og var það fyrirliðinn Dwight Yorke sem tók við fyrstu treyjunni úr hendi markaðstjóra Adidas í London.