Owen fyrirliði á móti Hvít-Rússum

Michael Owen verður fyrirliði Englands í æfingaleiknum á móti Hvít-Rússum á fimmtudaginn og Theo Walcott byrjar á bekknum. Owen og Crouch byrja í framlínunni á meðan Arsenal tvíeykið Ashley Cole og Sol Campell byrja í vörninni.

Byrjunarliðið er annars þannig að Owen Hargreaves byrjar í hægri bakverði, Ashley cole er í vinstri bakverði, Sol Campell og Jamie Carragher verða miðverðir, Michael Carrick og Jermain Jenas á miðjunni á meðan Aaron Lennon og Stewart Downing verða á vængjunum. Frammi eru svo Crouch og Owen eins og fyrr sagði og David James verður í markinu.

9 varamenn verða á bekknum og má Erikson nota 6 þeirra en annars ætlar hann að hvíla 7 lykilleikmenn eins og David Beckham, Steven Gerrard, Frank Lampard, Gary Neville, Paul Robinson, John Terry og Rio Ferdinand. Og að sjálfsögðu verður Wayne Rooney ekki heldur með vegna meiðsla.