Má ekki blóta á sviðinu

Silvía Nótt heldur ásamt föruneyti til Grikklands í dag. Söngkonunni hefur verið tilkynnt að hún megi ekki blóta á sviðinu í Aþenu. Verði textanum ekki breytt frá því sem er í myndbandinu gæti farið svo að henni verði vikið úr keppninni.

Svante Stockselius, yfirmaður hjá Sambandi evrópskra sjónvarpsstöðva, EBU, segir að fundað verði með íslensku sendinefndinni í Grikklandi þar sem nokkur lönd innan sambandsins líði ekki að hún blóti í útsendingunni.

Jónatan Garðarsson, sem fer fyrir íslenska hópnum, segir að Silvía Nótt hafi skrifað undir samning um að virða reglur keppninnar. Hann gerir ráð fyrir því að samningurinn standi.