Gravesen til United?

Tomas Gravesen, leikmaður Real Madrid er orðaður við óvænta endurkomu í enska boltann í janúar. Talið er Manchester United hafi augastað á Dananum knáa sem á ekki sjö dagana sæla í herbúðum Real Madrid þessa dagana. Spænsku risarnir hafa tapað þremur leikjum í röð og Gravesen dottinn út úr liðinu. Manchester United þarf nauðsynlega á miðjumanni að halda, því liðið er með afar þunnskipaðan hóp á því svæði og lítið má út á bregða til að liðið lendi ekki í vandræðum.