Alcoa vill álver fyrir norðan

Alcoa á Íslandi, sem er að reisa Fjarðarál á Reyðarfirði, óskaði í gær eftir formlegum viðræðum við íslensk stjórnvöld um byggingu álvers á Norðulandi. Valgerður Sverrisdóttir, iðnaðar- og viðskiptaráðherra, segir að tekið verði jákvætt í beiðni Alcoa og erindinu beint til fjárfestingastofu, sem sjái um tengsl stjórnvalda við erlend fyrirtæki sem vilji fjárfesta á Íslandi. Valgerður segir ekki ljóst hvar álver rísi á Norðurlandi gangi þetta eftir né hvaðan orkan verði fengin. Huga þurfi að mörgu í þessu ferli. Málið sé á byrjunarstigi.