Tunglmarkið réði úrslitum

Jose Mourinho, knattspyrnustjóri Chelsea, er á þeirri skoðun að markið sem skildi lið hans og Liverpool að í meistaradeildinni í gær, hefði aldrei átt að standa. "Mér fannst línuvörðurinn ekki vera í góðri aðstöðu til að sjá hvort þetta var mark eða ekki, því William Gallas stóð þannig að hann hefur varla geta séð boltann. Til að dæma mark, þurfa dómararnir að vera 100% vissir í sinni sök og leikmenn mínir segja að þetta hafi ekki verið mark. Menn gera þó mistök, ég geri mistök og leikmenn og dómarar líka, svo að ég sætti mig við þetta," sagði Mourinho, sem sagðist ekki vita hvaðan þetta mark hefði komið, sennilega þó frá tunglinu eða úr stúku Liverpool.