Button gæti misst 3. sætið

Breski ökuþórin Jenson Button gæti átt yfir höfði sér að missa stigin sem hann hlaut fyrir að hafna í þriðja sæti á Imola í keppni síðustu helgar í Formúlunni. Eftir keppnina gerðu starfsmenn á brautinni athugasemd við þyngd bílsins, en hann var nokkrum kílóum undir leyfilegri þyngd. Forráðamenn í formúlunni hafa hinsvegar krafist þess að ekkert verði aðhafst í málinu og vilja meina að ekkert hafi verið athugavert við þyngd bílsins eftir keppnina. Málið er allt hið furðulegasta, en þann 4. maí .n.k. verður réttað í málinu og ljóst að lið BAR verður að krossleggja fingur sína fram að þeim tíma, því ekki mega þeir við að misssa af stigunum sem þeir hlutu fyrir sætið.