Ancelotti hógvær

Carlo Ancelotti, knattspyrnustjóri AC Milan var hógvær eftir sigur sinna manna á grönnum sínum í Inter í gærkvöldi, en fagnaði endurkomu markaskorara síns. Þetta var góður sigur í gær, en ég held að síðari leikurinn verði erfiðari en margir gera sér grein fyrir. Inter var að leika vel og sýndu að þeir geta valdið okkur miklum vandræðum, ef við gætum þess ekki að halda fullri einbeitingu allann leikinn." Ancelotti var sérstaklega ánægður með góða endurkomu Úkraínumannsins Andriy Shevchenko, sem var að leika sinn fyrsta leik í langan tíma eftir meiðsli og hélt uppteknum hætti með því að skora mark. "Það eru frábær tíðindi fyrir félagið að vera komið með Andriy á fulla ferð aftur. Ég spurði hann fyrir leikinn hvort hann teldi sig tilbúinn í slaginn og hann gat ekki beðið eftir að fá að koma inn aftur. Það er frábært fyrir hann að koma svona sterkur inn eftir meiðslin," sagði Ancelotti.